“ლელო” ეკომიგრანტთა პოლიტიკის შეცვლას ითხოვს, ამის შესახებ პარტიის წარმომადგენლებმა ბრიფინგზე განაცხადეს. მათი თქმით, თანხა, რომელსაც ხელისუფლება ადგილობრივებს სთავაზობს არასაკმარისია. ოპოზიციას მიაჩნია, რომ ბიუჯეტი იმის შესაძლებლობას იძლევა, რომ კომპენსაციის ოდენობა გაიზარდოს.
“აჭარის მუნიციპალიტეტებში 200 ზე მეტი ოჯახია, რომლებიც საჭიროებს განსახლებას სტიქიური მოვლენების გამო. მდგომარეობა განსაკუთრებით დამძიმდა თებერვლის თვეში მეწყერის გააქტიურების შემდეგ. ამ მიმართულებით აჭარის ჯანდაცვის სამინისტროს აქვს პროგრამა, ეკომიგრანტთა საცხოვრებელი სახლებით უზრუნველყოფა. პროგრამით დაზარალებულ ოჯახებზე გათვალისწინებულია 50 ათასი ლარი. მიუხედავად იმისა რომ პროგრამის ბიუჯეტი იზრდებოდა, ის მაინც ვერ უზრუნველყოს ეკომიგრანტთა პრობლემის ძირეულად მოგვარებას.
ოჯახები, რომლებიც დაკმაყოფილდნენ ამ პროგრამით, კვლავ რჩებიან რისკის ქვეშ. შეუძლებელია აღნიშნული თანხით, რომელიც შეადგენს 18 ათას დოლარს რაიმე ნორმალურის შეძენა. ვფიქრობთ, ხელისუფლებამ უნდა შეცვალოს მიდგომა რაც გამოიხატება იმაში რომ, პირველი გაიზარდოს პროგრამის ბიუჯეტი და მეორე მოხდეს საცხოვრებელი სახლების მშენებლობა ისევ მუნიციპალიტეტის ტერიტორიაზე რათა არ მოხდეს მთის დაცლა მოსახლეობისგან.
ასევე, ჭიანურდება მეწყერსაში და დამწყრილი ტერიოტიების გეოლოგიური შესწავლა. იმის გამო, რომ ქირით გაყვანისთვის მხოლოდ 300 ლარია გათვალისწინებული, შეჭირვებული, დაზარალეულები აღნიშნულ თანხაში ვერ ქირაობენ ბინებს და ისევ საფრთხის შემცველ გარემოში ცხოვრობენ,” – აცხადებენ პარტია “ლელოში”.
