ბათუმის მეშვიდე საჯარო სკოლაში საგაკვეთილო პროცესის დროს მასწავლებელმა ერთ-ერთ მოსწავლეს სკამი ესროლა — ამის შესახებ „აჭარა თაიმსს“ მშობლებმა აცნობეს. მათი თქმით, ინციდენტმა ბავშვის ემოციური შფოთვა გამოიწვია.
ბათუმის რესურსცენტრში განმარტეს, რომ სკოლის ადმინისტრაციამ უკვე დაიწყო საქმის შესწავლა და საკითხი დისციპლინურ კომიტეტში განიხილება, კანონით დადგენილი წესის მიხედვით.
„აჭარა თაიმსის“ კითხვებს სკოლის დირექტორმა არ უპასუხა.
