ომსახურების სააგენტოს სტრუქტურული ერთეულები 1-ელი იანვრიდან 4 იანვრის ჩათვლით არ იმუშავებენ. ამის შესახებ ინფორმაცია სააგენტომ ოფიციალურ განცხადებაში გაავრცელა.
უწყების ცნობით, აღნიშნულ პერიოდში გადაიწევს მართვის უფლების გამოცდებისა და სატრანსპორტო საშუალებების განბაჟების ვადები, რომლებიც 5-9 იანვრის პერიოდში შესრულდება.
კერძოდ, იმ პირებს, რომელთაც მართვის უფლების მისაღები პრაქტიკული გამოცდის პირველ ეტაპზე (მოედანი) გასვლის 30-ე დღე 2026 წლის 1-ელი იანვრიდან 4 იანვრის ჩათვლით უწევდათ, მხოლოდ ერთი დამატებითი გასვლის უფლება მიეცემათ 5-9 იანვრის პერიოდში.
ამასთან, იმ მოქალაქეებს, რომელთაც შენახული ან დაჯავშნილი აქვთ სატრანსპორტო საშუალების სახელმწიფო სანომრე ნიშნები და აღნიშნულ დღეებში ეწურებათ ვადა, შენახვის ან დაჯავშნის ვადა 5 იანვრამდე გაუხანგრძლივდებათ.
სააგენტოს განმარტებით, იმ პირებსაც, რომელთაც სატრანსპორტო საშუალების განბაჟების ბოლო ვადა 1-4 იანვარს უწევთ, საჯარიმო სანქციები არ დაეკისრებათ და განბაჟების საბოლოო ვადად 5 იანვარი განესაზღვრებათ.
გარდა ამისა, მოქალაქეები, რომელთაც ცნობის (აპოსტილი/ლეგალიზაცია) გატანა 2026 წლის 1, 2 ან 3 იანვარს უწევდათ, მომსახურებას 5 იანვარს მიიღებენ, ხოლო სხვა შემთხვევაში ცნობების დამზადების ვადები კანონით დადგენილი წესით აითვლება.
