გარემოს ეროვნული სააგენტოს ცნობით, 30 მარტიდან 31 მარტის დილამდე საქართველოში მოსალოდნელია დროგამოშვებითი ნალექი, ზოგან – ძლიერი. ასევე შესაძლებელია ქარის გაძლიერება, ხოლო მაღალმთიან რაიონებში – ნისლი, ქარბუქი და ზვავსაშიშროება.
მეტეოროლოგების პროგნოზით, ქარბუქის, ხილვადობის გაუარესებისა და ზვავსაშიშროების გამო, საავტომობილო გზების ცალკეულ მონაკვეთებზე შესაძლოა ტრანსპორტის მოძრაობა შეიზღუდოს.
სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება გამოიწვიოს, ხოლო გორაკ-ბორცვიან და მთიან ზონებში – მეწყრულ-ღვარცოფული პროცესების ჩასახვა-გააქტიურება. საფრთხის დონე შეფასებულია საშუალოდ.
