ქედის მერს, როლანდ ბერიძეს საქმიანობის ანგარიში არასდროს გამოუქვეყნებია. მუნიციპალიტეტის ოფიციალურ ვებ-საიტზე, სადაც მერის მოვალეობის შემსრულებელი საზოგადოებას საკუთარი საქმიანობის ანგარიშსს ყოველწლიურად უნდა ამცნობდეს, ბოლოს 4 წლის წინ განახლდა. ჩინოვნიკების მიერ კანონით დაკისრებული მოვალეობების შეუსრულებელ სამუშაოებს ამ სტატიაში წაიკითხავთ.
რას ნიშნავს მერის საქმიანობის ანგარიში?
საქართველოს კონსტიტუციის თანახმად, ქალაქის მერის წლიური საქმიანობის ანგარიში საჯარო ინფორმაციაა, რომელსაც მუნიციპალიტეტის მთავარი თანამდებობის პირი საზოგადოებას წარუდგენს.
keda.gov.ge – ზე ქედის მოსახლეობას ჩინოვნიკების მიერ შედგენილი ურბანული განვითარების, სატრანსპორტო, სოციალური და ეკონომიკური მართვის პოლიტიკის გაცნობის საშუალება უნდა ჰქონდეს. თუმცა, საინფორმაციო ველი ცარიელია.
აღსანიშნავია, რომ საჯარო ინფორმაციაზე პასუხისმგებელ პირებს შორის ქედის მუნიციპალიტეტის საკრებულოს თავმჯდომარეც შედის. ოფიციალურ ვებსაიტზე, ამირან ცინცაძის მიერ წარმოდგენილი საჯარო ინფორმაციაც არ არის განთავსებული.
ბოლოს განთავსებული საკრებულოს თავმჯდომარის საანგარიშო პერიოდში გაწეული საქმიანობის შესახებ ანგარიში 2019 წლით თარიღდება. ამ დროისთვის საკრებულოს თავმჯდომარე შუქრი თურმანიძე იყო.
ქედის მსგავსად, არც ქობულეთის მუნიციპალიტეტის ჩინოვნიკები ასრულებენ დაკისრებულ მოვალეობას. Kobuleti.gov.ge-ზე საჯარო ინფორმაციის ველი, სადაც მერებისა და საკრებულოს თავმჯდომარეების ყოველწლიური საქმიანობის ანგარიში უნდა იყოს განთავსებული, მიუწვდომელია.
ცნობისთვის, მოსახლეობის მეტი ინფორმირებულობისათვის, განხორციელებული ღონისძიებებისა და საჯარო ინფორმაციის ადვილად ხელმისაწვდომობისათვის, ადგილობრვი თვითმმართველობის ვებსაიტები დიდ როლს თამაშობს.
