“რუსეთი გვართმევს სამშობლოს, გვართმევს სიცოცხლეს, გვართმევს მომავალს“ – ბათუმში, ევროპის მოედანზე უკრაინისა და საქართველოს მოქალაქეები შეიკრიბნენ.
საქველმოქმედო აქციის მონაწილეებმა, უკრაინაში რუსეთის მიერ დაბომბილი ქალაქების ფოტოები გამოფინეს.
აქციის ფარგლებში, ომში დაღუპულთა სულის მოსახსენიებლად სანთლები დაანთეს, ასევე, რუსეთ-უკრაინის ომში დაღუპული ქართველი მეომრების ფოტოებიც გამოფინეს.
აქციის მონაწილეებმა რუსეთის მიერ საქართველოსა და უკრაინაში შეჭრა დაგმეს. მათი თქმით, ოკუპანტი რუსეთი ყოველ დღე კლავს უკრაინის მოქალაქეებს, რაც ცივილური საზოგადოებისთვის მიუღებელია.
