“ნაციონალურ მოძრაობას” გამიჯნული წევრები ბათუმის საკრებულოს ფრაქციაში რჩებიან, ამის შესახებ ინფორმაცია AJARATIMES.GE-ის დეპუტატმა მამუკა ქობულაძემ დაუდასტურა.
ირკვევა, რომ ფრაქცია ,,ერთიანი ნაციონალური მოძრაობის” თავმჯდომარის მოადგილეს ეს გარემოება უხერხულობას არ უქმნის, უფრო მეტიც, მამუკა ქობულაძის მტკიცებით, ფრაქციას “ნაციონალური მოძრაობა თავისუფლების კვარტალი” ჰქვია, რაც სიმართლეს არ შეესაბამება.
“ნაციონალურ მოძრაობაში კიარ ვრჩებით არამედ, “ნაციონალური მოძრაობა თავისუფლების კვარტლის” ფრაქციაში ვართ გაერთიანებული, გამიჯნულებიც და თანაპარტიელებიც. ენმ-ს სტატუსით არ ვრჩებით საკრებულოში, ამაზე ფრაქციის სახელიც მეტყველებს. იგივე მომენტია, რაც საქართველოს პარლამენტსა და აჭარის უმაღლესს საბჭოში. ჩვენ ვიბრძოლეთ რეჟიმის წინააღმდეგ და ვაგრძელებთ ბრძოლას. ჩვენ ამ პროცესში ვართ ერთიანი თემატიკით. გვაქვს თუ არა ამის უფლება – მორალური მხარე ცოტა სხვა რამეა, მაგას ფართო ცნება აქვს და ასე უცებ არ აიხსნება,” – განაცხადა მამუკა ქობულაძემ “აჭარა თაიმსთან” საუბრისას.
ინფორმაციისთვის: “ნაციონალურ მოძრაობიდან” წასულები პოლიტიკურ საქმიანობას ახლა ნიკა მელიასა და ნიკა გვარამიას პარტიის სახელით აგრძელებენ. კერძოდ, ნოდარ დუმბაძე, მამუკა ქობულაძე, ნატო ნაცარაშვილი, ეკატერინე ზარია, ბაჩი მექვაბიშვილი და ილია ჯინჭრაძე.
ფრაქცია “ნაციონალური მოძრაობის” თავმჯდომარის ანაზღაურება 4 256, ხოლო მისი მოადგილის, 3 025 ₾არს შეადგენს. დეპუტატები ასევე, სარგებლობენ საწვავისა და სატელეფონო ხარჯებითაც. რიგითი წევრების ანაზღაურება კი 990 ₾არია.
