ფოტო: დიმიტრი გორგილაძე
„დინამო ბათუმმა“ ახალი სეზონის პირველი მატჩი ფრედ დაასრულა. ეროვნული ლიგის მეორე ტურის შეხვედრა „თოლიებსა“ და „გაგრას“ შორის 1:1 დასრულდა.
მატჩი ძალიან საინტერესო და დრამატული გამოდგა. შეხვედრის მეორე ნახევარში სამი თერთმეტმეტრიანი დაინიშნა. პირველი პენალტი 73-ე წუთზე „გაგრას“ კარში დაინიშნა, თუმცა ოლეკსანდრ ვორობეიმ ნიკა კალანდარიშვილის დარტყმული მოიგერია.
გიორგი ჭიაბრიშვილის გაწვრთნილმა გუნდმა მეტოქეზე შეტევა განაგრძო და მატჩის 86-ე წუთზე მეორე 11-მეტრიანი მოიპოვა. ამჯერად კალანდარიშვილმა მეკარის მარჯვენა კუთხეში დაარტყა და ვორობეის ბურთის მოგერიების შანსი არ დაუტოვა.
შეხვედრის ბედი დამატებით დროში გადაწყდა. „დინამო ბათუმმა“ საკუთარ საჯარიმოში „გაგრას“ ფეხბურთელზე უხეშობის გამო 11-მეტრიანი მიიღო. 90+5-ე წუთზე ცინცაძემ ანგარიში გაათანაბრა.
„დინამო ბათუმი“ ეროვნული ლიგის მომდევნო მატჩს 12 მარტს გამართავს. მესამე ტურში „თოლიები“ სტუმრად „სამგურალს“ დაუპირისპირდებიან.
ავტორი: დიმიტრი გორგილაძე
