მალხაზ ირემაძე, რომელიც ბათუმში, პროევროპული აქციების აქტიური მონაწილეა, ბათუმის მერიიდან გაათავისუფლეს. ირემაძე, რომელიც თითქმის ოცი წლის განმავლობაში მუშაობდა ყინულის სახლში, აღნიშნავს, რომ მისი გათავისუფლების გადაწყვეტილება ხელმძღვანელობამ ზეწოლის შედეგად მიიღო.
ყოფილი საჯარო მოხელე “აჭარა თაიმსთან” საუბარში აცხადებს, რომ მისი საქმიანობით უკმაყოფილო არავინ ყოფილა. იგი ასევე აღნიშნავს, რომ მერიის გადაწყვეტილება აბსოლუტურად მოულოდნელი იყო, რადგან ყოველთვის პროფესიონალურად ასრულებდა თავის მოვალეობებს.
ინფორმაციისთვის: რამდენიმე დღის წინ მალხაზ ირემაძე ბათუმში მიმდინარე საპროტესტო აქციაზე დააკავეს. დაკავების შემდეგ, როგორც თავად ამბობს, მას სიტყვიერი და ფიზიკური შეურაცხყოფა მიაყენა ბათუმის პოლიციის უფროსმა, ირაკლი დგებუაძემ. ირემაძე აღნიშნავს, რომ პოლიციის უფროსმა არა მხოლოდ შეურაცხყოფა მიაყენა, არამედ დაემუქრა კიდეც.
ცნობისთვის: ირაკლი დგებუაძის მხრიდან წეწოლასა და ძალადობაზე სხვა პირებიც საუბრობენ და მისთვის უფლებამოსილების შეჩერებას ითხოვენ. ირაკლი დგებუაძე თავად ხელმძღვანელობდა მზია ამაღლობელის დაკავების პროცეს.
რა გახდა მალხაზ ირემაძის გათავისუფლების მიზეზი – კითხვა ბათუმის მერიისთვის არ დაგვისვამს, რადგან ისინი ჩვენთან არ თანამშრომლობენ და ზარებს არ პასუხობენ. იმ შემთხვევაში თუ უწყება განმარტებს ისურვებს მასალა აქვე განახლდება.
