AJARATIMES.GE-ის წყაროს ცნობით, დავით გაბაიძემ უმაღლეს საბჭოში რამდენიმე ნათესავი დაასაქმა. რა დამსახურებით მოხვდნენ ისინი რეგიონის წარმომადგენლობით ორგანოში ჩვენთვის უცნობი დარჩა.
ორ დღიანი მცდელობის მიუხედავად, ჩვენი კითხვები აჭარის არაკონსტიტუციური უმაღლესი საბჭოს თვითგამოცხადებულმა თავმჯდომარემ უპასუხოდ დატოვა.
საბჭოს საზოგადოებასთან ურთიერთობის სამსახურის უფროსმა, ფერიდე უსტიაშვილმა კი გვითხრა, რომ “ეს არც ნეპოტიზმია და არც აქტუალური”.
წყაროს მიერ მოწოდებული ინფორმაციის თანახმად, წარმომადგენლობით ორგანოში არიან დასაქმებულები:
- მძღოლი, ჯიმი გორგაძე – ბიძაშვილი;
- აიტი სამსახურის სპეციალისტი გოგიტა გაბაიძე – ბიძაშვილი;
- მანდატური, ზვიად ხალვაში – მამიდაშვილი;
- მეორე მანდატური, მუხრანი ხალვაში – უახლოესი ნათესავი დედის მხრიდან.
