საყოველთაო პროტესტს ბათუმელი მშობლებიც უერთდებიან. ისინი დღეს პირველი საჯარო სკოლის წინ შეიკრიბნენ და თავიანთი მოსაზრებები დააფიქსირეს. მათი შეფასებით, მაშინ, როცა ქვეყნის პირველ პირად უმაღლესი განათლების არმქონე პირია წარდგენილი ეს გარემოება მათი შვილების მომავალზე ნეგატიურად აისახება.
ამასთან, მშობლები ქვეყნის ევროპული მომავლის დასაცავადაც გამოვიდნენ. ამბობენ, რომ “ქართულ ოცნებას” გადაწყვეტილების შეცვლა მოუწევს, წინააღმდეგ შემთხვევაში წინააღმდეგობის მუხტი არ გაჩერდება. მშბოლებმა დღეს ბათუმის ქუჩებში მსვლელობაც მოაწყვეს.
“ვაპროტესტებთ იმას, რაც ქვეყანაში მიმდინარეობს. ხელისუფლებამ უარი უთხრა ევროპულ კურს, ჩვენი შვილების მომავალს გვიკლავენ. ასევე, ვაპროტესტებთ იმ ძალადობას, რაც ახლა თბილისში ხდება. ეს არის საშინელი ძალადობა, არაფრით განსხვავდება 7 ნოემბრის მოვლენებისგან. ყველა ვინც, ზიხართ ახლა სახლებში და იქედან დემაგოგობთ, გამოდით და იბრძოლეთ თქვენი შვილების მომავლისთვის,” – თქვა ჩვენთან საუბრისას ანინა დევაძემ.
[embedyt] https://www.youtube.com/watch?v=F9CEVj-pP1Y[/embedyt]
