ქვეყანაში არსებულ ვითარებას ექიმებიც ეხმიანებიან. ისინი მმართველი გუნდის პოლიტიკას ეწინააღმდეგებიან და ამბობენ, რომ მშვიდობიან დემოსტრანტებზე ძალადობა უნდა შეწყდეს. მათი შეფასებით, პროცესები დროულად უნდა მორჩეს, რადგან ორივე მხარეს დაზარალებულთა რაოდენობა ყოველდღიურად იზრდება.
ბათუმში, სხვადასხვა კლინიკის, ცალკეულმა ექიმებმა პეტიცია მოამზადეს, რომელიც საქართველოს მთავრობას გადაეგზავნა. ისინი ევროინტეგრაციის კურსის შეცვლას ეწინაღმდეგებიან და ხელისუფლებისგან პროცესის შეჩერაბას მოითხოვენ.
“ნებისმიერი ძალადობა, რაც დღეს ჩვენს ქვეყანაში ხდება არის ყოვლად დაუშვებელი. ყველაზე დიდი გულისტკივილი არის ის, რომ დღევანდელი პოლიტიკური რეალობიდან გამომდინარე ეს ორივე მხარე, რომლებზეც გული გვტკივა დაზარალებულები არიან. დღეისათვის, მოაზროვნე ადამიანი, მიუხედავად პოლიტიკური მრწამსისას უნდა აპროტესტებდეს აი ამ ძალადობას,” – აღნიშნა ჩვენთან საუბრისას მაგდა ჩხარტიშვილმა.
[embedyt] https://www.youtube.com/watch?v=6IE8ARbATNI[/embedyt]
