საქართველოს ეროვნული ნაკრები ქვიშის ფეხბურთში ევროპის ლიგის B დივიზიონის ნახევარფინალში, არაბთა გაერთიანებულ საემიროებთან 5-6 დამარცხდა.
შეხვედრის 1/3-ი არაბთა გაერთიანებული საემიროების აქტიურობით დაიწყო, რასაც მე-10 წუთზე, არაბთა მეშვიდე ნომრის მოჰამედის გოლი მოჰყვა.
საქართველოს ნაკრებმა ანგარიშის გათანაბრება მეექვსე წუთზე, გოჩა მახარაძის პენალტით შეძლო. პირველი მესამედის დარჩენილ დროში ორივე გუნდი სახიფათო მომენტებს ქმნიდა. ტაიმის ბოლოს კი გოლის გატანა გოჩა მახარაძემ შეძლო.
2/3-ი არაბთა გაერთიანებული საემიროების გოლებით დაიწყო. მე-12 და მე-10 წუთებზე, არაბთა მეცხრე ნომერმა აბდულამ, ორი მაკრატელა გაიტანა.
მატჩში დაწინაურების შემდეგ გაერთიანებული საემიროების წარმომადგენლები ფრთხილად თამაშობდნენ. ასე ტაიმის მიწურულისკენ გაგრძელდა, სანამ 24-ე წამზე აჰმედ ბეშრიმ ჯარიმა გაგვიტანა, რასაც მე-19-ე წამზე ჟორდანიას საპასუხო გოლი მოჰყვა და სხვაობა ერთ ბურთამდე შემცირდა. თუმცა ეს დიდხანს არ გაგრძელებულა, 2/3-ის ბოლოს, პირველ წამზე, ვალიდ ბეშირმა არაბები კვლავ ორი ბურთით დააწინაურა.
3/3-ი საქართველომ აქტიურად დაიწყო. მე-7 წუთზე სახიფათო საგოლე მომენტიც შევქმენით, თუმცა გოლის გატანა ვერ მოვახერხეთ. დასკვნით მესამედში ორივე გუნდი აქტიურ, გახსნილ თამაშს თამაშობდა.
მე-5 წუთზე რაშდემ, საქართველოს ნაკრების მეკარეზე უხეშად ითამაშა, რის გამოც დაინიშნა საჯარიმო დარტყმა, რომელიც საქართველოს მეკარემ, მახარაძემ დაარტყა დაგაიტანა. ზუსტად ერთ წუთში, დიაკვნიშვილმა დასწრებაზე კარგად ითამაშა და ანგარიშიც გაათანაბრა.
გაერთიანებული საემიროების ფეხბურთელებმა, მე-3 წუთზე აჰმედ ბეშრის გოლით, კვლაც დაწინაურდნენ. საბოლოდ, შეხვედრა 5-6 საქართველოს ნაკრების მარცხით დასრულდა.
ქვიშის ფეხბურთში ევროპის ლიგის B დივიზიონის ფინალში, 21 ივლისს, ერთმანეთს უკრაინისა დაარაბთა გაერთიანებული საემიროების ნაკრებები შეხვდებიან. საქართველოს ნაკრები, მესამე ადგილისთვის, ლატვიას დაუპირისპირდება.
ავტორი: დიმიტრი გორგილაძე [სტაჟიორი]
