„საქართველო ირჩევს ევროკავშირს“ – 20 ოქტომბერს ბათუმში აქცია გაიმართება. ევროინტეგრაციის მხარდამჭერი მარში 18:00 საათზე ბათუმის შოთა რუსთაველის სახელმწიფო უნივერსიტეტის მიმდებარე ტერიტორიიდან დაიწყება, 19:00 საათზე კი მონაწილეები ევროპის მოედანზე გადაინაცვლებენ.
ბათუმის პარალელურად ევროპული მარში გაიმართება თბილისშიც, რომელსაც საქართველოს პრეზიდენტი, სალომე ზურაბიშვილიც უერთდება.
ინფორმაციისთვის: თბილისში დაგეგმილი მარში, თავისუფლების მოედნამდე 5 სხვადასხვა ადგილიდან მოეწყობა. მსვლელობის მონაწილეები 17:00 საათზე შემდეგ ლოკაციებზე შეიკრიბებიან: რესპუბლიკის მოედანი; გმირთა მოედანი; 300 არაგველის ობელისკი (ორთაჭალა); მარჯანიშვილის მოედანი; ამაღლებისა და ასათიანის ქუჩების კვეთა (მთაწმინდა). მოგვიანებით კი, 19:00 საათზე თავისუფლების მოედანზე შემაჯამებელი ღონისძიება გაიმართება.
