სუს-მა „ძლიერი საქართველოს“ წინააღმდეგ სპეცოპერაცია დაიწყო, ამის შესახებ ბრიფინგზე ირაკლი კუპრაძემ განაცხადა. ამ განცხადებით კუპრაძე პარტიიდან ორი წევრის წასვლის ფაქტს გამოეხმაურა.
„ეს უსუსური მცდელობა, დააზიანონ დემოკრატიული პროცესი, ჩვენ გვაძლიერებს და კიდევ უფრო მეტ ძალას გვაძლევს, რათა დავასრულოთ „რუსული ხელისუფლება“. ბოლო თვეების განმავლობაში „ძლიერ საქართველოს’ ათასობით მხარდამჭერი შემოუერთდა. სუს-ის ერთეული აგენტები ამ პროცეს ვერ შეაჩერებენ. „ქართული ოცნება“, ხედავს ჩვენს რეალურ ძალას და სწორედ ამიტომაც აწყობს ამ უსუსურ დივერსიებს.
„ქართული ოცნების“ ქცევა ყველა საზღვარს ცდება – ადამიანების დაშინება, პირადი სივრცეების დარღვევა, ტყუილების გავრცელება ბინძური „კაგებეშნიკური“ სცენარებია, რომელიც მოსკოვში იწერება და კრემლიდანაა ორკესტრირებული
ვწუხვართ, რომ ეს „კაგებეშნიკური“ პრაქტიკა ისევ და ისევ მეორდება შეშინებული ხელისუფლების მხრიდან. სწორედ ამიტომ დასრულდება 26 ოქტომბერს “ქართული ოცნება” და ბიძინა ივანიშვილი წავა სახლში, მოსკოვში“, – განაცხადა კუპრაძემ ბრიფინგზე.
ინფორმაციისთვის: კოალიცია სულხან კოჩალიძემ და მერაბ ქურიძემ დატოვეს.
