შინაგან საქმეთა სამინისტროს ინფორმაციით, ბათუმში ინტერპოლის მიერ წითელი ცირკულარით ძებნილი თურქეთის რესპუბლიკის მოქალაქე დააკავეს.
უწყების ცნობით, დაკავებული არის 2001 წელს დაბადებული ე.ო., რომელსაც თურქეთის რესპუბლიკა საბრძოლო მასალის უკანონო შეძენა-შენახვის, ჯანმრთელობის განზრახ დაზიანებისა და ნივთის დაზიანების ბრალდებით ეძებდა.
ე.ო. ჩატარებული საგამოძიებო და ოპერატიული ღონისძიებების შედეგად ბათუმში დააკავეს.
დაკავებულის მიმართ ამ ეტაპზე მიმდინარეობს კანონით გათვალისწინებული საექსტრადიციო პროცედურები.
