“ნაციონალური მოძრაობის” ინფორმაციით, საჯარო მოხელეებს “ქართული ოცნების” წინასაარჩევნო შეხვედრაში მონაწილეობას აიძულებენ. ნიკა ქაშიბაძის თქმით, დღეს ბათუმში, მმართველი პარტიის ღონისძიებაზე საჯარო უწყებებში დასაქმებულები მიჰყავთ.
ოპოზიციის ინფორმაციით, საჯარო უწყებებში სამუშაო პროცესი 16:00 საათზე შეწყდება.
“16:00 საათის შემდეგ მოსახლეობისთვის საჯარო დაწესებულებები დაიკეტება, იმიტომ რომ ხალხი კოლბიან დიქტატორთან შესახვედრად გაიყვანონ. ვიცით, რომ მოსახლეობის დიდი ნაწილი, საჯარო რესურსის გამოყენებით მიჰყავთ ამ ღონისძიებაზე, რაშიც ხელისუფლების სრული ვერტიკალია ჩართული. ასევე, არჩილ ჩიქოვანი ერთ-ერთ სასწავლო დაწესებულებაში პროცესის დროს იმყოფებოდა და ჩვენი ინფორმაციით, სწორედ ამაზე ჰქონდა საუბარი, რომ მასწავლებლები და კონკრეტულ დაწესებულებაში დასაქმებულები აქციაზე გამოსულიყვნენ. ჩვენ გვინდა, ამ მოქალაქეებს ვუთხრათ, ვიცით რა მძიმე და რთულ პირობებში უწევთ ცხოვრება, მიუხედავად იმისა, ვიცით რა ზეწოლას განიცდიან ყოველდღიურ რეჟიმში, ყველაფერი ერთად ქართველმა ხალხმა უნდა დავასრულოთ 26 ოქტომბერს. ამ არჩევნებში ჩვენ უნდა გავიმარჯვოთ, სწორედ იმიტომ რომ მსგავსი სიბინძურეები ამ ქვეყანაში აღარ განმეორდეს,” – განაცხადა ნიკა ქაშიბაძემ ბრიფინგზე.
ოპოზიციის ბრალდება მმართველი პარტია არ გამოხმაურებია, მათ შორის სახელმწიფო უწყებების წარმომადგენლები.
აქვე დაგაინტერესებთ: ხელვაჩაურის მუნიციპალიტეტის საბავშვო ბაღების გაერთიანება „ქართული ოცნების“ სამსახურშია.
