გარემოს დაცვისა და სოფლის მეურნეობის სამინისტროს თანამშრომლებმა აჭარაში, ხელვაჩაურის მუნიციპალიტეტში, მდინარე ჭოროხის კალაპოტიდან უკანონო წიაღის მოპოვების ფაქტები გამოავლინეს.
უწყების ცნობით, სამართალდამრღვევებმა სპეციალური ტექნიკის გამოყენებით 295 კუბურ მეტრზე მეტი ქვიშა-ხრეში მოიპოვეს.
სამართალდარღვევების შედეგად გარემოსთვის მიყენებული ზიანი 5 500 ლარზე მეტია, სამართლებრივი დოკუმენტაცია კი უკვე შედგა.
