გარემოს ეროვნული სააგენტო უახლოეს დღეებში საქართველოში მოსალოდნელი ამინდის შესახებ ინფორმაციას ავრცელებს. მეტეოროლოგების პროგნოზით, 10 იანვრიდან 13 იანვრამდე ქვეყნის ზოგიერთ რეგიონში დროგამოშვებით ნალექიანი ამინდია მოსალოდნელი.
თბილისში უმეტესად უნალექო ამინდი იქნება, ჰაერის ტემპერატურა დღისით +9, +11 გრადუსის ფარგლებში დაფიქსირდება.
სანაპირო რაიონებში – ბათუმში, ქობულეთში, ანაკლიასა და ფოთში – ზოგან მოსალოდნელია წვიმა, დღისით ჰაერი +11, +13 გრადუსამდე გათბება.
დასავლეთ საქართველოს დაბლობ რაიონებში, მათ შორის ზესტაფონში, ქუთაისში, სამტრედიაში, ზუგდიდში, მარტვილსა და ოზურგეთში, ასევე ზოგან იწვიმებს, ჰაერის ტემპერატურა კი დღისით +13, +15 გრადუსი იქნება.
ამბროლაურში, ონში, ცაგერში, შოვში, ჭიათურაში, საჩხერეში, ხულოსა და რიკოთის უღელტეხილზე – მოსალოდნელია ნალექი, დღისით +8, +10 გრადუსი.
მაღალმთიან რეგიონებში, მათ შორის მესტიასა და ბახმაროში, ზოგან თოვლი და ქარბუქია ნავარაუდევი, ჰაერის ტემპერატურა კი დღისით +1, +3 გრადუსს მიაღწევს.
ქართლში – რუსთავში, ბოლნისში, მარნეულში, გარდაბანში, გორში და ცხინვალში – ზოგან იწვიმებს, ჰაერის ტემპერატურა დღისით +9, +11 გრადუსი იქნება.
კახეთის რეგიონში მოსალოდნელია წვიმა საგარეჯოში, თელავში, გურჯაანში, სიღნაღში, ლაგოდეხში, ყვარელსა და ახმეტაში, დღისით ჰაერის ტემპერატურა +8, +10 გრადუსის ფარგლებში დაფიქსირდება.
აღმოსავლეთ საქართველოს მთიან რაიონებში – ახალციხეში, ბორჯომში, დუშეთში, თიანეთსა და ფასანაურში – ნალექია მოსალოდნელი, ხოლო მაღალმთიან ზონებში, მათ შორის ახალქალაქში, წალკაში, ბაკურიანში, გუდაურსა და ომალოში, სინოპტიკოსები თოვლსა და ქარბუქს პროგნოზირებენ. აღნიშნულ ტერიტორიებზე დღისით ჰაერის ტემპერატურა -1, -3 გრადუსი იქნება.
