საქართველოს საკონსტიტუციო სასამართლომ 2025 წლის 28 მაისს მიიღო გადაწყვეტილება ადმინისტრაციულ სამართალდარღვევათა კოდექსის 252-ე მუხლზე, რომელიც ადმინისტრაციულ სამართალდარღვევათა საქმეების განხილვისას პირის იძულებით სასამართლოზე დასწრებას ითვალისწინებდა.
სასამართლომ დაადგინა, რომ ამ ნორმით გათვალისწინებული თავისუფლების შეზღუდვა არ ჰქონდა ლეგიტიმურ მიზანს და არის თვითნებური, რაც ეწინააღმდეგება საქართველოს კონსტიტუციის მე-13 მუხლის პრინციპებს. შესაბამისად, 252-ე მუხლის აღნიშნული ჩანაწერი აღიარებული იქნა ანტიკონსტიტუციურად.
სარჩელის ავტორები ალექსანდრე კობაიძე და მირანდა შალამბერიძე სასამართლოს წინაშე ამტკიცებდნენ, რომ პროცესზე იძულებითი დასწრება და თავისუფლების აღკვეთა არ ემსახურებოდა არსებით სამართლებრივ მიზანს და პროცესი შესაძლებელი იყო პასუხისგებაში მიცემული პირის უშუალო მონაწილეობის გარეშე.
