შემოსავლების სამსახურის ინფორმაციით, საბაჟო გამშვებ პუნქტ “სარფში” დიდი ოდენობით ნარკოტიკული ნივთიერება „კოკაინის“ ქვეყნის საზღვარზე უკანონო, მალულად შემოტანის ფაქტი აღკვეთეს.
ოფიცრებმა ეჭვის საფუძველზე დეტალურად შეამოწმეს უცხო ქვეყნის მოქალაქის მიერ მართვადი სატრანსპორტო საშუალება, რის შემდეგაც დაახლოებით 150 გრამი „კოკაინი“ აღმოაჩინეს. სამართალდამრღვევი ნარკოტიკულ ნივთიერებას ერთ შეკვრად, ყავის შეფუთვაში მალავდა.
მოვლენასთან დაკავშირებული მასალები შესაბამის რეაგირებისთვის შინაგან საქმეთა სამინისტროს შესაბამის სამსახურს გადაეცა.
