„ქართული ოცნების“ სახელმწიფო უსაფრთხოების სამსახური შუახევის მუნიციპალიტეტის მერიის თანამშრომლის დაკავების შესახებ ინფორმაციას ავრცელებს. უწყების ცნობით, პირი ქრთამის აღების დახმარების ბრალდებით აიყვანეს.
გამოძიების მიხედვით, დაკავებულმა ერთ-ერთ მოქალაქეს 3 000 ლარი მოსთხოვა საცხოვრებელ სახლთან დაკავშირებული ახალი საინჟინრო-გეოლოგიური დასკვნის მომზადების სანაცვლოდ. როგორც სუს აცხადებს, თანხა უნდა გადასცემოდა აჭარის გარემოს დაცვის სამმართველოს გეოლოგიური სამსახურის უფროსისთვის.
სუს-ის ინფორმაციით, დაკავებულმა მოქალაქეს უკვე წინასწარ გამოართვა ქრთამის ნაწილი – 1 500 ლარი.
საქმეზე გამოძიება საქართველოს სისხლის სამართლის კოდექსის შესაბამისი მუხლით მიმდინარეობს, რაც 6–დან 9 წლამდე თავისუფლების აღკვეთას ითვალისწინებს.
