გარემოსდაცვითი ზედამხედველობის დეპარტამენტის თანამშრომლებმა აჭარაში ქვიშა-ხრეშის უკანონო მოპოვების ფაქტები გამოავლინეს.
უწყების ინფორმაციით, სამართალდარღვევები შუახევის მუნიციპალიტეტში დაფიქსირდა. დადგენილია, რომ სამართალდამრღვევებმა სპეციალური ტექნიკის გამოყენებით უკანონოდ მოიპოვეს ქვიშა-ხრეში.
გამოვლენილ ფაქტებზე გარემოსდაცვითი ზედამხედველობის დეპარტამენტის თანამშრომლებმა სამართალდამრღვევების მიმართ შესაბამისი დოკუმენტაცია შეადგინეს.
იმ შემთხვევების საქმის მასალები, რომლებიც სისხლის სამართლის დანაშაულის ნიშნებს შეიცავს, შემდგომი რეაგირების მიზნით შესაბამის საგამოძიებო უწყებებში გადაიგზავნა.
