„სოკარ ჯორჯია გაზი აჭარას“ ინფორმაციით, ბუნებრივი აირი არ მიეწოდება ბათუმში მცხოვრებ დაახლოებით 18 000 აბონენტს.
გაზმომარაგება შეწყვეტილია ჯავახიშვილის ქუჩაზე, აეროპორტის დასახლებაში, ასევე ადლიასა და ანგისში.
კომპანიაში განმარტავენ, რომ გაზის მიწოდების შეწყვეტის მიზეზი უამინდობა გახდა. მათივე განცხადებით, უსაფრთხოების მიზნით განხორციელდა ქსელის დროებითი გათიშვა.
„სოკარ ჯორჯია გაზი აჭარაში“ აცხადებენ, რომ ამინდის პირობების გაუმჯობესებისთანავე დაიწყება მიწოდება.
კომპანია მომხმარებლებს მოუწოდებს, გაზის მიწოდების აღდგენამდე დახურონ გაზის ონკანები და დაიცვან უსაფრთხოების წესები.
