„საკალათბურთო კლუბი ბათუმი“ სუპერლიგის მე-11 ტურში „გურჯაანის დელტას“ დაუპირისპირდა და მატჩი ანგარიშით 76:86 დათმო. ბუბა ბერიშვილის გაწვრთნილმა გუნდმა მეტოქეს პირველ და მესამე მეოთხედებში (23:17 და 23:21) აჯობა, ხოლო მეორე და მეოთხე მეოთხედები (11:21 და 19:23) „დელტამ“ მოიგო.
მატჩის საუკეთესო მოთამაშე ჯეიდან კინგი („დელტა“) იყო. მის ანგარიშზეა 34 ქულა, 8 მოხსნა და 2 პასი, ხოლო შეხვედრის განმავლობაში მან ეფექტურობის 37 ქულა (ეფ) დააგროვა.
„ბათუმის“ რიგებიდან ყველაზე შედეგიანი ლეგიონერი მაირინ ტომასი გახლდათ. ამერიკელმა კალათბურთელმა მატჩი 22 ქულით, 13 მოხსნით, 3 პასითა და ეფექტურობის 33 ქულით დაასრულა.
„სკ ბათუმი“ სუპერლიგის მომდევნო შეხვედრას 14 თებერვალს გამართავს. მე-14 ტურში ბერიშვილის გუნდი კსუ-ს დაუპირისპირდება. მატჩი „თბილისი არენაზე“ ჩატარდება.
ავტორი: დიმიტრი გორგილაძე
