„აჭარა თაიმსის“ ინფორმაციით, ბათუმში, თაყაიშვილის ქუჩაზე მომხდარი დაპირისპირების შედეგად ერთი პირი ფეხის არეში დაიჭრა.
შემთხვევა საცხოვრებელი კორპუსის ეზოში, მოწყობილ ფანჩატურში მოხდა. ჩვენი ინფორმაციით, დაპირისპირება მეზობლებს შორის დაიწყო და მას წინ შელაპარაკება უძღოდა. კონფლიქტის დროს მოხდა გასროლა.
როგორც „აჭარა თაიმსს“ წყაროები უყვებიან, დაშავებული პირი თავად ფლობდა ცეცხლსასროლ იარაღს.
მომხდართან დაკავშირებით, „ქართული ოცნების“ შინაგან საქმეთა სამინისტრო ცეცხლსასროლი იარაღით დაჭრის ფაქტს უარყოფს. უწყების ინფორმაციით, საქმეზე გამოძიება სისხლის სამართლის კოდექსის 126-ე მუხლით – ძალადობის ფაქტზე დაიწყო. დაპირისპირების მოტივი ამ ეტაპზე უცნობია. გამოძიება მიმდინარეობს.
