„საკალათბურთო კლუბ ბათუმის“ მოთამაშეები სუპერლიგის მე-16 ტურის საუკეთესო ხუთეულში მოხვდნენ, მაირონ ტომასი კი ტურის ყველაზე ღირებული მოთამაშე (MVP) გახდა.
მე-16 ტურის საუკეთესო ხუთეულში „სკ ბათუმიდან“ სამი კალათბურთელი მოხვდა: გიორგი ოჩხიკიძე, მაირონ ტომასი და კარსონ ბაშამი. მათთან ერთად ხუთეულში ასევე არიან დეტრეკ ბრაუნინგი („ქუთაისი 2010“) და ლარი ოსტინი („ორბი“).
ტურის საუკეთესო მოთამაშის ტიტული (MVP) მაირონ ტომასს ერგო. ამერიკელმა კალათბურთელმა „მარგვეთთან“ მატჩში 28 ქულა, 15 მოხსნა და ეფექტურობის 40-ქულიანი კოეფიციენტი (EFF) დააგროვა.
მიმდინარე სეზონში ტომასი ტურის MVP უკვე მესამედ გახდა.
ავტორი: დიმიტრი გორგილაძე
