„საკალათბურთო კლუბ ბათუმის“ წაუგებელი სერია უკვე ხუთ მატჩს აღწევს. სუპერლიგის მე-19 ტურის შეხვედრაში „სკ ბათუმმა“ „კაკტუსს“ ზედიზედ მეხუთე გამარჯვება მოუპოვა. „დელფინებმა“ გამარჯვება დაძაბულ ბრძოლაში მოიპოვეს – მატჩი 83:82 „კაკტუსის“ მარცხით დასრულდა.
შეხვედრის საუკეთესო მოთამაშის ტიტული „ქუთაისის“ ლეგიონერს, დეტრიკ ბრაუნინგს ერგო. მის ანგარიშზეა 28 ქულა, 8 მოხსნა, 4 პასი და 27 ეფექტურობის (EFF) ქულა.
ბათუმის მხრიდან საუკეთესონი იყვნენ მაირონ ტომასი (16 ქულა, 14 მოხსნა, 6 პასი, EFF 26) და გიორგი ოჩხიკიძე (20 ქულა, 2 მოხსნა, 7 პასი, EFF 19). მომდევნო შეხვედრას „სკ ბათუმი“ პირველ აპრილს გამართავს — მე-20 ტურში „დელფინები“ სტუმრად „თსუ-ს“ ეწვევიან.
ავტორი: დიმიტრი გორგილაძე
