„დინამო ბათუმმა“ ეროვნული ლიგის მეხუთე ტურში ჩემპიონატის ლიდერს, „სპაერს“, უმასპინძლა და სეზონის პირველი გამარჯვება მოიპოვა.
მატჩი მასპინძლების უპირატესობით წარიმართა – გიორგი ჭიაბრიშვილის გაწვრთნილმა გუნდმა მეტოქე დიდი ანგარიშით, 4:1 დაამარცხა.
„დინამო ბათუმის“ შემადგენლობაში დუბლი შეასრულა დმიტრი მანდრიჩენკომ – მან გოლები მატჩის მე-11 და მე-14 წუთებზე გაიტანა. თითო გოლი ასევე ნიკა კალანდარიშვილისა და უერდი მარას ანგარიშზეა.
სტუმართა მხრიდან ერთადერთი გოლი მატჩის 31-ე წუთზე გეგიაძემ გაიტანა.
„სპაერზე“ გამარჯვების შემდეგ „დინამო ბათუმი“ ეროვნული ლიგის სატურნირო ცხრილში ექვსი ქულით მესამე ადგილზე გადაინაცვლა და პირველადგილოსანს მხოლოდ სამი ქულით ჩამორჩება.
ეროვნული ლიგის მომდევნო მატჩს „დინამო ბათუმი“ 7 აპრილს გამართავს – მეექვსე ტურში „თოლიები“ სტუმრად „რუსთავს“ დაუპირისპირდებიან.
ავტორი: დიმიტრი გორგილაძე
