სურსათის ეროვნული სააგენტო აცხადებს, რომ ბათუმში ჩატარებული არაგეგმური ინსპექტირების შედეგად ობიექტში „ჰანის მარანი“ კრიტიკული შეუსაბამობები გამოვლინდა.
სააგენტოს ინფორმაციით, ობიექტი ეკონომიკურ საქმიანობათა რეესტრში რეგისტრაციის გარეშე ფუნქციონირებდა და პროდუქციის დისტრიბუციას კახეთის რეგიონიდან აჭარის მიმართულებით ახორციელებდა.
ინსპექტირებისას ასევე დადგინდა, რომ ადგილზე მიმდინარეობდა ღვინის ჩამოსხმა და დაფასოება ჰიგიენური ნორმებისა და მომხმარებლისთვის სურსათის შესახებ ინფორმაციის მიწოდების წესების დარღვევით.
გამოვლენილი დარღვევების გამო, ბიზნესოპერატორი დაჯარიმდა. ამასთან, ობიექტს შეუჩერდა საწარმოო პროცესი კრიტიკული შეუსაბამობების სრულ აღმოფხვრამდე და ეკონომიკურ საქმიანობათა რეესტრში რეგისტრაციამდე.
