„დინამო ბათუმმა“ ეროვნული ლიგის მეცხრე ტურში „ქუთაისის ტორპედოსთან“ ანგარიშით 0:3 წააგო.
შეხვედრის პირველი გოლი პირველი ნახევრის მიწურულს, 44-ე წუთზე, დეისაძემ გაიტანა. მეორედ „ბათუმის“ კარი 56-ე წუთზე შიმიჩმა აიღო, ხოლო საბოლოო გოლი მამუჩაშვილმა 65-ე წუთზე გაიტანა.
„ბათუმელებმა“ თამაშის განმავლობაში არაერთი სახიფათო მომენტი შექმნეს, თუმცა მათი რეალიზება ვერ მოახერხეს.
„ტორპედოსთან“ მარცხი „თოლიებისთვის“ ზედიზედ მესამეა. 2026 წლის ეროვნული ლიგის სეზონში „ბათუმელებმა“ ბოლოს მეხუთე ტურში მოიგეს. ამ ეტაპზე, ცხრა ტურის შემდეგ, სატურნირო ცხრილში „დინამო ბათუმი“ ბოლო, მე-10 ადგილზეა შვიდი ქულით.
შემდეგ მატჩს „დინამო ბათუმი“ 2 მაისს გამართავს „აჭარაბეთ არენაზე“, მე-10 ტურში, „დინამოების დერბი“ გაიმართება.
ავტორი: დიმიტრი გორგილაძე
