„დინამო ბათუმმა“ ზედიზედ მეორე მატჩი მოიგო. ეროვნული ლიგის მე-12 ტურში „თოლიები“ „სამგურალს“ დაუპირისპირდნენ და შეხვედრა ანგარიშით 3:1 მოიგეს.
ანგარიში „ბათუმმა“ 22-ე წუთზე ნიკა კალანდარიშვილის გოლით გახსნა. მეორე გოლი 35-ე წუთზე მამუკა კობახიძემ გაიტანა, ხოლო მესამე ბურთი 56-ე წუთზე შეცვლაზე შემოსულმა გიორგი კოხრეიძემ გაიტანა.
„სამგურალის“ მხრიდან ერთადერთი გოლი 71-ე წუთზე ლევან პაპავამ გაიტანა.
„დინამო ბათუმი“ ეროვნული ლიგის მომდევნო მატჩს 16 მაისს გამართავს. „აჭარაბეთ არენაზე“ გიორგი ჭიაბრიშვილის გაწვრთნილი გუნდი „მეშახტეს“ დაუპირისპირდება.
ავტორი: დიმიტრი გირგილაძე
