გარემოს ეროვნული სააგენტო მოსახლეობას მოსალოდნელი ამინდის გაუარესების შესახებ აფრთხილებს. მეტეოროლოგების პროგნოზით, 15-16 მაისს საქართველოს უმეტეს ტერიტორიაზე პერიოდულად იწვიმებს, ზოგან კი ძლიერი ნალექია მოსალოდნელი.
შესაძლებელია ელჭექი, სეტყვა და დასავლეთის მიმართულების ძლიერი ქარი. შავი ზღვის სანაპიროზე კი 3-4-ბალიანი შტორმული ღელვაა ნავარაუდევი.
სააგენტოს ინფორმაციით, მოსალოდნელმა ნალექებმა შესაძლოა მდინარეებში წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან რეგიონებში მეწყრულ-ღვარცოფული პროცესების გააქტიურება გამოიწვიოს. საფრთხის დონე საშუალოდ ფასდება. მოსახლეობას მოუწოდებენ, გამოიჩინონ სიფრთხილე და გაითვალისწინონ ამინდის შესაძლო გაუარესება.
რა შეიძლება გააკეთო წვიმიან ამინდში – რეკომენდაციები
