ხულოსა და შუახევის საზღვრისპირა სოფლის ტერიტორიაზე ნაპოვნი გარდაცვლილი ახალგაზრდის საქმეზე „აჭარა თაიმსისთვის“ დამატებითი დეტალები ხდება ცნობილი.
ჩვენთან საუბრისას ადგილობრივები აცხადებენ, რომ შემთხვევამდე ახალგაზრდები ერთად იმყოფებოდნენ, რა დროსაც მათ შორის დაპირისპირება მოხდა. მათი ინფორმაციით, ფიზიკური კონფლიქტის შედეგად რამდენიმე პირი ნაცემია.
ერთ-ერთი ვერსიით ახალგაზრდა სახლში დაბრუნების დროს ხრამში გადავარდა, ხოლო მეორე ვერსიით, მას ფიზიკურად გაუსწორდნენ და შემდეგ ხრამში გადააგდეს.
შინაგან საქმეთა სამინისტრომ მომხდარ ფაქტზე გამოძიება საქართველოს სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
