ბათუმში მცხოვრებმა სომხებმა სომხური სამოციქულო ეკლესიის ეზოში ვარდავარის ტრადიციული დღესასწაული აღნიშნეს.
ვარდავარი სომხური სამოციქულო ეკლესიის ერთ-ერთი უმნიშვნელოვანესი დღესასწაულია და ქრისტეს ფერისცვალებას ეძღვნება. მისი აღნიშვნა მრავალსაუკუნოვან ტრადიციებს უკავშირდება, რომელთაგან ყველაზე ცნობილი ერთმანეთისთვის წყლის შესხმაა, რაც განახლების, სიწმინდისა და სიხარულის სიმბოლოდ მიიჩნევა.
დღესასწაულის ფარგლებში ბათუმის სომხურმა თემმა ეკლესიის ეზოში მოიყარა თავი.
ვარდავარი ყოველწლიურად აღინიშნება აღდგომიდან 98 დღის შემდეგ და სომეხი ქრისტიანებისთვის ერთ-ერთ ყველაზე გამორჩეულ საეკლესიო და სახალხო დღესასწაულად ითვლება.
