შინაგან საქმეთა სამინისტროსა და ფინანსთა სამინისტროს შემოსავლების სამსახურის თანამშრომლებმა საქართველოში ცეცხლსასროლი იარაღის უკანონოდ შემოტანის ფაქტი აღკვეთეს.
უწყებების ინფორმაციით, სასაზღვრო გამშვებ პუნქტ „სარფის“ ტერიტორიაზე ავტომობილი შეამოწმეს. სკანერის საშუალებით, სპეციალურად მოწყობილ სამალავში სხვადასხვა მოდელის 8 ცეცხლსასროლი იარაღი, 8 მჭიდი და ვაზნები აღმოაჩინეს.
გამოძიება სისხლის სამართლის კოდექსის 236-ე მუხლის მე-3, მე-4 და მე-5 ნაწილებით, ასევე 214-ე მუხლის მე-4 ნაწილით მიმდინარეობს. აღნიშნული მუხლებით გათვალისწინებული მაქსიმალური სასჯელი 8 წლამდე თავისუფლების აღკვეთაა.
