ბათუმის მერიის ინფორმაციით, გიორგი ლეონიძის ქუჩის რეაბილიტაცია კვლავ გრძელდება. როგორც უწყებაში განმარტავენ, პროექტი ასფალტის საფარის დაგებას, სანიაღვრე სისტემის, ტროტუარებისა და ბორდიურების მოწყობას ითვალისწინებს.
“განახლდება გარეგანათების სისტემა. გზაგამყოფ ზოლში დაიგება მწვანე საფარი. ამ ეტაპზე მიმდინარეობს ასფალტის საფარის პირველი ფენის მოწყობა გენ. ასლან აბაშიძის ქუჩიდან ტაბიძის ქუჩამდე მონაკვეთში. პროქტი მრავალწლიანია, რომლის ღირებულებაც 6 მილიონამდე ლარს შეადგენს,” – აცხადებენ ბათუმის მერიაში.
ინფორმაცია, რომელსაც მერია ავრცელებს არაა დაკონკრეტებული როდის დასრულდება ქუჩის რეაბილიტაცია.
