ბათუმის სამედიცინო ცენტრში სამშობიარო ბლოკი დაიხურა, ამის შესახებ ინფორმაცია AJARATIMES.GE-ის ექიმებმა მიაწოდეს, თუმცა ისინი ამ თემაზე საჯაროდ არ საუბრობენ. განმარტავენ, რომ გადაწყვეტილება ბოლო დროს დაფიქსირებულ “უსიამოვნო შემთხვევებს” უკავშირდება.
ცნობისთვის: სამედიცინო დაწესებულებაში საკეისრო კვეთის შედეგად ქალის ჯანმრთელობის მდგომარეობა დამძიმდა, პაციენტი მოგვიანებით სხვა კლინიკაში გადაიყვანეს, სადაც ის გარდაიცვალა.
ფაქტზე შინაგან საქმეთა სამინისტრომ გამოძიება “სისხლის სამართლის კოდექსის” 116-ე მუხლით დაიწყო, რაც სიცოცხლის მოსპობას გაუფრთხილებლობით გულისხმობს. გამოძიების შედეგები ამ დრომდე უცნობია.
აქვე დაგაინტერესებთ: მანამდე მოხდა კიდევ ერთი შემთხვევა. ახალშობილის გარდაცვალება ოჯახმა BMC-ის ექიმების დაუდევრობას დაუკავშირეს. ამ თემაზე უფრო მეტს წაიკითხავთ აქ.
სამშობიარო ბლოკის დახურვის ფაქტი “აჭარა თაიმსს” კლინიკა BMC-ის საზოგადოებასთან ურთიერთობის სამსახურში დაუდასტურეს, თუმცა გადაწყვეტილებას სამედიცინო დაწესებულებაში სარემონტო სამუშაოებით ხსნიან. მათი თქმით, მალე სამშობიარო ბლოკის რემონტი დაიწყება.
