თორნიკე რიჟვაძე პარტიული სიის სათავეში ფორმალურად, ამომრჩევლის გულის მოსაგებად იქნება – “აჭარა თაიმსის” ეს ინფორმაცია მთავრობის თავმჯდომარემ, ბრიფინგზე ნაწილობრივ დაადასტურა. თორნიკე რიჟვაძემ გადაჭრით ვერ თქვა, არჩევნებში გამარჯვების შემთხვევაში, გადაინაცვლებს თუ არა საკანონდებლო ორგანოში.
მისი თქმით, ამ ეტაპზე მთავრობის თავმჯდომარის სავარძლის დათმობას არ აპირებს და მუშაობას ჩვეულ რეჟიმში აგრძელებს.
თორნიკე რიჟვაძე: გიდასტურებთ, რომ მე პარტიის პირველ ნომრობასთან ერთად ვაგრძელებ მუშაობას. მომავალშიც დარწმუნებული ვარ, რომ გავაგრძელებ იმავე შემართებით რასაც აქამდე ვაკეთებდი.
აჭარა თაიმსი: არჩევნებში გამარჯვების შემთხვევაში საქმიანობას უმაღლეს საბჭოში არ გააგრძელებთ?
თორნიკე რიჟვაძე: მემგონი ყველა ვინც პოლიტიკაში მეტნაკლებად ერკვევა იცის, რომ საპარლამენტო მოწყობის მოდელისთვის დამახასიათებელია, რომ მთავრობის თავმჯდომარე არის საარჩევნო სიის პირველი ნომერი. ამიტომ ეს არის ერთ-ერთი არგუმენტი რატომაც მე გახლავართ სიის სათავეში.
აჭარის ავტონომიური რესპუბლიკის უმაღლეს საბჭოში ,,ქართული ოცნების” საარჩევნო სია ასე გამოიყურება:
- თორნიკე რიჟვაძე;
- დავით გაბაიძე;
- გოგი ფუტკარაძე;
- ტიტე აროშიძე;
- თინათინ ზოიძე;
- რამაზ ჯინჭარაძე;
- ცოტნე ანანიძე;
- მინდია დიასამიძე;
- ვახტანგ ბერიძე;
- ფრიდონ ფუტკარაძე;
- მამუკა თურმანიძე;
- დავით ბაციკაძე;
- მარინა გვიანიძე;
- დავით თედორაძე;
- ფატი ხალვაში;
- ლაშა სირაბიძე;
- ნადიმ ვარშანიძე;
- ილია ვერძაძე;
- ასლან ლორთქიფანიძე;
- რაულ ბოლქვაძე;
- დურსუნ ბერიძე;
- თეა ფხაკაძე;
- მამუკა კაკაბაძე;
- ოთარ ფედიჩკინი;
- ლია გოგიტიძე;
- ელიზბარ ზოიძე;
- მინურ პაქსაძე;
- რეზო ტაკიძე;
- თამაზ მჟავანაძე
„დარწმუნებული ვარ, რომ ამ არჩევნებში ჩვენი მოსახლეობა ბრძნულ არჩევანს გააკეთებს და გადაწყვეტილება მიღებული იქნება მშვიდობის, სტაბილურობის და ქვეყნის ევროპული მომავლის სასარგებლოდ. დარწმუნებული ვარ, ჩვენს გუნდთან, მთავრობის სრულ შემადგენლობასთან ერთად ძალიან დამაჯერებელ გამარჯვებას მივაღწევთ“,-განაცხადა ბრიგინგზე თორნიკე რიჟვაძემ.
ინფორმაციისთვის: იმ შემთხვევაში თუ “ქართული ოცნება” აჭარაში უმრავლესობას მოიპოვებს, დიდი ალბათობით უმაღლესი საბჭოს თავმჯდომარე კვლავ, მესამე ვადით, დავით გაბაიძე იქნება.
აჭარის ავტონომიური რესპუბლიკის უმაღლესი საბჭოს „ქართული ოცნების“ საარჩევნო სიიის მიღმა დარჩნენ:
- გიორგი მანველიძე;
- ვლადიმერ მგალობლიშვილი;
- ფრიდონ ფუტკარაძე.
