დღეს ბათუმის მე-16 სკოლაში ლენტს გაჭრიან, თუმცა ბავშვები ისევ ონლაინ გააგრძელებენ სწავლას, ამის შესახებ ბრიფინგზე “ნაციონალური მოძრაობის” წევრმა განაცხადა. ნიკა ქაშიბაძის თქმით, აჭარაში ვიზიტით მყოფ პრემიერს ადგილობრივმა ხელისუფლებამ გაკეთებული ვერაფერი აჩვენა და დაუსრულებელი სკოლას გახსნიან.
ოპოზიციაში მიაჩნიათ, რომ მსგავსი ქმედებებით ხელისუფლება წინასაარჩევნოდ ხალხის მოსყიდვას ცდილობს.
„როგორც იცით, ბათუმში იმყოფება ირაკლი კობახიძე. უნდოდათ რაღაც ეჩვენებინათ მათი გაკეთებული ბათუმში და ვერაფერი აღმოაჩინეს. მოიფიქრეს, რომ დღეს გახსნიან დაუსრულებელ მე-16 სკოლას, რეალურად ლენტს გაჭრიან და სკოლის მოსწავლეები ისევ ონლაინ გააგრძელებენ სწავლას. ასეთი მოჩვენებითია მათი სახე და ჰგონიათ, რომ მსგავსი სპექტაკლებით მოატყუებენ და მოისყიდიან ადამიანებს. მინდა ვუთხრა კობახიძეს, გადახედეთ ბათუმს, როგორ გაანადგურეთ მისი მომავალი, ამ 12 წლის განმავლობაში, როგორ გააღარიბეთ ხალხი და რა სპექტაკლებიც არ უნდა დადგათ, თქვენ, ამ მძიმე შედეგებზე აუცილებლად მიიღებთ პასუხს 26 ოქტომბერს“, – განაცხადაა ბრიფინგზე ნიკა ქაშიბაძემ.
