შფოთვა, ნევროზი, სტრესი, უძილობა… დაძაბული ცხოვრების რიტმისა და სხვა სოციალურ-ეკონომიკური ფაქტორების გამო, ეს დისკომფორტები 21-ე საუკუნის თანმდევი მოვლენა გახდა. ადამიანები თითქოს მიეჩვივნენ სტრესულ გარემოში ცხოვრებას, ზოგმა სტრესის მართვაც ისწავლა, რაშიც მათ გარკვეული პრეპარატებიც ეხმარება.
ვამელანი — დამამშვიდებელი და სედაციური მოქმედების პრეპარატია, რომელიც ინიშნება ნერვული გადაღლილობის, მომატებული აღგზნებადობის, სტრესის, შფოთვის, ძილის დარღვევების, ნევროზებისა და დეპრესიის დროს.
პრეპარატი მთლიანად მცენარეული შედგენილობისაა და უსაფრთხოა ხანგრძლივი გამოყენებისთვის. თუმცა გამოყენებამდე აუცილებელია მის შესახებ მეტი რამ გავიგოთ:
რა არის ვამელანი და რატომ არის უნიკალური მისი შედგენილობა?
ეს არის კომბინირებული ფიტოპრეპარატი, რომელიც კაფსულების სახით გამოდის და შეიცავს ისეთ სამკურნალო მცენარეების ექსტრაქტებს, როგორებიცაა: ვალერიანი, ბარამბო და პიტნა. სამივე მცენარე უნიკალურია თავისი თვისებებით და კომბინაციაში უნიკალური მოქმედება გააჩნია:
- ვალერიანის ექსტრაქტს გააჩნია სედაციური თვისებები, რაც ეხმარება ადამიანს ძილის მოწესრიგებაში, ასევე ხსნის დაძაბულობას და გაღიზიანებადობას;
- პიტნის ექსტრაქტს აქვს სპაზმის მომხსნელი, ნაღველმდენი და კარმინაციული მოქმედება, რაც დადებითად მოქმედებს კუჭ-ნაწლავის ტრაქტის კუნთებზე და ეფექტიანია უძილობის პრობლემის დროს;
- ვამელანში შემავალ ბარამბოს ეთერზეთს გააჩნია ტკივილგამაყუჩებელი და კრუნჩხვების საწინააღმდეგო თვისება. გააჩნია დამამშვიდებელი მოქმედება და ხელს უწყობს მადის მომატებას.
რა უნდა ვიცოდეთ პრეპარატის მიღებამდე? — დოზები და სიფრთხილის ზომები
12 წლის ზემოთ ასაკის ბავშვებსა და მოზრდილებში (პრეპარატი 12 წლამდე ბავშვებში არ ინიშნება), დამამშვიდებელი მოქმედებისთვის რეკომენდებული დოზაა — 1-2 კაფსულა, 2-3-ჯერ დღე-ღამეში. უძილობის დროს უნდა მიიღოთ 1-2- კაფსულა, ძილის წინ 1-2 საათით ადრე.
მაქსიმალური ეფექტისთვის მკურნალობა უნდა გაგრძელდებს 2 კვირის განმავლობაში. თუ სიმპტომები 2-კვირიანი მკურნალობის შემდეგაც გაგრძელდა ან მდგომარეობა გაუარესდა, აუცილებლად მიმართეთ ექიმს.
არ გადააჭარბოთ რეკომენდებულ დოზებს, რადგან ჭარბი დოზირებისას შესაძლოა განვითარდეს ინტოქსიკაციის ნიშნები: თავბრუსხვევა, გუგების გაფართოება, მუცლის ტკივილი, გულ-მკერდის არეში მოჭერის შეგრძნება. ასეთ დროს საჭიროა სიმპტომური თერაპიის ჩატარება.
მნიშვნელოვანი ინფორმაცია პრეპარატის შესახებ:
არ მიიღოთ ვამელანი ექიმის დანიშნულების გარეშე ორსულობისა და ძუძუთი კვების პერიოდში. ასევე არ შეიძლება პრეპარატის მიღება 12 წლის ასაკამდე.
მკურნალობის დროს, სერიოზული გვერდითი მოვლენები მოსალოდნელი არ არის, თუმცა ძალიან იშვიათად დაფიქსირებულია: ზოგადი სისუსტე, ალერგიული რეაქციები და შეკრულობა (ძირითადად ხანგრძლივი მიღებისას).
პრეპარატი სიფრთხლით უნდა მიიღონ პაციენტებმა, რომლებსაც ჰასტროეზეოფაგური რეფლუქსია, ნაღველ-კენჭოვანი დაავადება და ნაღვლის ბუშტის და სანაღვლე გზების სხვა დაავადებები აქვთ. მკურნალობის პერიოდში აკრძალულია ალკოჰოლის მიღება, რადგან იგი აძლიერებს პრეპარატის სედაციურ ეფექტს.
