აჭარის მთავრობასთან „ერთიანი ნაციონალური მოძრაობის“ ორგანიზებით საპროტესტო აქცია გაიმართა, რომლის მთავარი მოთხოვნა მიხეილ სააკაშვილისა და პოლიტიკური პატიმრების გათავისუფლება იყო.
აქციას პარტიის ლიდერები და მხარდამჭერები ესწრებოდნენ. მათ მიერ გაკეთებულ განცხადებებში აღინიშნეს, რომ „რუსულ რეჟიმთან ბრძოლის“ პროცესში სხვა ოპოზიციური პარტიები მათ გვერდით არ დგანან, რაც სამწუხაროა ფაქტია. საპროტესტო აქციამ სტარტი ნავსადგურიდან აიღო, რომელიც მიხეილ სააკაშვილის პრეზიდენტად ინავგურაციის ადგილია. როგორც ორგანიზატორებმა აღნიშნეს, შეკრების ტერიტორია სიმბოლური დატვირთვის გამო შეარჩიეს.
https://www.facebook.com/ajaratimes/videos/1136512828270519/
აქციის მონაწილეებმა იმ პირების გათავისუფლება მოითხოვეს, რომლებიც სხვადასხვა საპროტესტო აქციაზე დააკავეს. მათი თქმით, ხელისუფლება პროტესტის ჩახშობისთვის აქტიურად იყენებს სამართალდამცავ ორგანოებს, რაც ქვეყნის დემოკრატიულ განვითარებას საფრთხეს უქმნის. აქცია ორგანიზატორები აცხადებენ, რომ ბრძოლას იქამდე არ შეწყვეტენ, სანამ მათი მოთხოვნები არ დაკმაყოფილდება.
