არაკონსტიტუციური აჭარის უმაღლესი საბჭოს მორიგი პლენარული სხდომა 6 ოპოზიციონერი დეპუტატის უფლებამოსილების ვადამდე შეწყვეტის საკითხზე გაიმართა. “ქართული ოცნების” გადაწყვეტილებით რეგიონის წარმომადგენლობით ორგანოში, ამ ეტაპზე ოპოზიცია არ იქნება წარმოდგენილი.
სადეპუტატო მანდატი შეუწყდა: ელგუჯა ბაგრატიონს, მიშა ბოლქვაძეს, ედიშერ ჟღენტს ლია ყაჯელს, გენადი თებიძესა და მირდატ ქამადაძეს. ისინი „ერთიანობა-ნაციონალური მოძრაობის“, „ძლიერი საქართველო-ლელო, ხალხისთვის, თავისუფლებისთვის“, და „კოალიცია ცვლილებისთვის-გვარამია, მელია, გირჩი, დროას“ პარტიების წარმომადგენლები არიან.
მანდატებს გაუქმების შესახებ აჭარის არაკონსტიტუციურ, ერთპარტიულ უმაღლეს საბჭოს ოპოზიციამ განცხადებით თავად მიმართა, რადგან ისინი არჩევნების შედეგებს არ აღიარებენ. მანდატებზე უარი ჯერ არ უთქვამს პარტია “საქართველოსთვის” წევრებს. მათ ჯერ ოფიციალური, მკაფიო პოზიციას საკითხთან დაკავშირებით არ დაუფიქსირებიათ.
