ბათუმის სახელმწიფო უნივერსიტეტის რექტორმა, ტიტე აროშიძემ, მოადგილედ მერაბ ხალვაში დაინიშნა. აღნიშნული ინფორმაცია „აჭარა თაიმს“ უნივერსიტეტის საზოგადოებასთან ურთიერთობის სამსახურში დაუდასტურეს.
ამასთან, როგორც გაირკვა, მერაბ ხალვაშის უნივერსიტეტში დარჩენისთვის ტიტე აროშიძემ დებულებაში ცვლილება შეიტანა, რის შედეგადაც მოადგილის მესამე შტატი შეიქმნა.
ინფორმაციისთვის: აკადემიურმა საბჭომ რექტორად სამთავრობო კანდიდატი, ტიტე აროშიძე 21 იანვარს აირჩია. მას მხარი დაუჭირა ძმამ, პაატა აროშიძემ, რომელიც ამავე საბჭოს წევრია. საბჭოს წევრებს აროშიძესთან არ ჰქონიათ საგნობრივი შეკითხვები ან მოსაზრებები, რაც, როგორც ჩანს, აისახა მათ საბოლოო გადაწყვეტილებაში. აღსანიშნავია ისიც, რომ საბჭოს წევრებმა კანდიდატების სამოქმედო გეგმების მოსმენის შემდეგ ტაში მხოლოდ ტიტე აროშიძეს დაუკრეს.
ცნობისთვის: არჩევნების პარალელურად, სტუდენტებმა ტიტე აროშიძის კანდიდატურის მიმართ უკმაყოფილებას გამოხატეს. ისინი პროტესტს კარებზე ხელის ბრახუნით და შეძახილებით გამოხატავდნენ. მათი შეფასებით, ტიტე აროშიძე უნივერსიტეტში რეპრესიებს გაატარებს.
გარემოება: ბსუ-ის ყოფილი რექტორი მერაბ ხალვაში, ასევე, “ქართული ოცნების” დეპუტატი ტიტე აროშიძე, რუსული კანონისა და ანტიდასავლური კამპანიის მხარდამჭერები არიან.
