ბათუმის ცენტრალურ პარკთან შეკრებილმა მოქალაქეებმა მდუმარე მარში გამართეს და დაღუპული ანდრია, ასევე, ლევანი გაიხსენეს. მოქალაქეები ხელისუფლების პასუხისმგებლობის საკითხს ხედავენ, რადგან სამშენებლო უსაფრთხოების უზრუნველყოფა სახელმწიფოს ვალდებულებაა.
აქციის მონაწილეებს ხელისუფლების მიმართ შეკითხვები აქვთ:
– რატომ არ გამოცხადდა გლოვა ქვეყანაში ამ ტრაგედიის შემდეგ?
– რატომ არ ჰქონდა უსაფრთხოების ღობე შემოვლებული ადგილზე, სადაც უბედური შემთხვევა მოხდა?
– რატომ არ გაითვალისწინეს პასუხისმგებელმა ორგანოებმა, რომ სამშენებლო სამუშაოები არ უნდა დაწყებულიყო უსაფრთხოების სტანდარტების დაცვის გარეშე, განსაკუთრებით მაშინ, როდესაც იდგა საქმე აჭარის ფინანსთა და ეკონომიკის სამინისტროსა და ბათუმის მერიის შესაბამისი უწყებების ყურადღების ქვეშ?
– რას აპირებენ ხელისუფლებები იმისთვის, რომ მსგავსი ტრაგედია აღარ განმეორდეს, ხოლო პასუხისმგებლობის მქონე პირები დაისაჯონ?
– როდის ამოავსებენ ორმოებს და როდის დახურავენ ღია ჭებს, რათა ქალაქში მორიგი ტრაგედიის საშიშროება თავიდან იქნას აცილებული?
მარშის მონაწილეების მიზანი ხელისუფლებისადმი მოთხოვნების გაძლიერება და სამშენებლო უსაფრთხოების ნაწილში მკაცრი ზომების მიღებაა, რათა მომავალში მსგავსი უბედური შემთხვევები არ განმეორდეს.
“ოცნების ქალაქში” 2 ბავშვი დაიღუპა, თხრილში ჩავარდნის შედეგად
