აჭარის განათლების სამინისტროს ცნობით, აჭარაში სასწავლო პროცესი ჩერდება, მიზეზი თოვლია. უწყების მიერ გავრცელებულ განცხადებაში წერია, რომ სკოლები უზრუნველყოფენ გაცდენილი საათების ანაზღაურებას, კანონმდებლობით დადგენილი წესით.
“რეგიონში არსებული მეტეოროლოგიური მდგომარეობის გათვალისწინებით, მოსწავლეთა და მასწავლებელთა უსაფრთხოების მიზნით, მიღებულ იქნა გადაწყვეტილება აჭარის რეგიონის საჯარო და კერძო სკოლებში, 25 თებერვალს სასწავლო პროცესის შეჩერების თაობაზე,” – აცხადებენ განათლების სამინისტროში.
ინფორმაციისთვის: ბათუმში, საავტომობილო და საფეხმავლო გზა ინტენსიურად არ იწმინდება, რაც გადაადგილებას აფერხებს.
ცნობისთვის: თოვლის მიზეზით ბათუმში მუნიციპალურმა ტრანსპორტმა მუშაობა შეაჩერა.
