ფოტო: არქივი
ბათუმის მუნიციპალიტეტმა ქობულეთის მუნიციპალიტეტს უსასყიდლოდ გადასცა გამოყენებული ორი ავტობუსი და შესაბამისი სათადარიგო ნაწილები. გადაწყვეტილება საკრებულოს სხდომაზე მიიღეს.
დოკუმენტში ვკითხულობთ, რომ გადაცემის საფუძველზე შედგა მიღება-ჩაბარების აქტი ბათუმისა და ქობულეთის მერიას შორის, რის შედეგადაც ქობულეთის მუნიციპალიტეტმა საკუთრებაში მიიღო ISUZU BOGDAN A092-ის ტიპის ორი ავტობუსი და სათადარიგო ნაწილები. განკარგულების თანახმად, მეორადი ნაწილების საერთო ღირებულება 25,447.19 ლარს შეადგენს.
