22 ივნისს, G17-ის სცენა, უნიკალურ ქართულ თეატრალურ ექსპერიმენტს ეგებება — რეჟისორ დავით დოიაშვილის და „ახალი თეატრის“ დასის მიერ შექმნილ მუსიკალურ ნაზავს, საუკუნოვანი ისტორიის ფესვების მქონე ბესტსელერი სპექტაკლების — „შეყრის“ და „გაყრის“ მიხედვით.
ახალი ქართული მიუზიკლი — „შეყრა“, მე-19 საუკუნის დრამატურგის — ზურაბ ანტონოვის პიესის — „მზის დაბნელება საქართველოში“ მიხედვით შეიქმნა: მიუზიკლი ძველი თბილისის ცხოვრების შესახებ გვიამბობს, რომლის პერსონაჟების მოქმედებებსაც, უმნიშვნელოვანესი მოვლენა – მზის დაბნელება განაპირობებს. ადამიანები ცდილობენ, ერთ დღეში გაკეთილშობილდნენ, რადგან ნათქვამია, რომ მზის დაბნელებას მხოლოდ უცოდველები და დაოჯახებულები გადაურჩებიან…
მიუზიკლს — „გაყრა“ გიორგი ერისთავის პიესა („გაყრა“1849) დაედო საფუძვლად, რომელიც პირველად 1850 წლის 14 იანვარს, თბილისის გიმნაზიის დარბაზში დაიდგა და ქართული პროფესიული თეატრის დაარსებას ჩაუყარა საფუძველი.
„შეყრის“ და „გაყრის“ თანამედროვე დადგმების ორიგინალური მუსიკის ავტორია კომპოზიტორი რუსა მორჩილაძე, ტექსტების ავტორი — ირინა სანიკიძე, ქორეოგრაფიაზე კი — კოტე ფურცელაძემ იმუშავა.
ღონისძიებაზე დასწრების შესახებ დეტალებისთვის, შეგიძლიათ დაუკავშირდეთ G17-ის გუნდს, ნომერზე: (+995) 511 44 17 17
