შინაგან საქმეთა სამინისტროს ინფორმაციით, აჭარის პოლიციის დეპარტამენტის მთავარი სამმართველოს თანამშრომლებმა განსაკუთრებით დიდი და დიდი ოდენობით ნარკოტიკული საშუალების უკანონო შეძენა-შენახვის ბრალდებით ბელორუსის რესპუბლიკის ორი მოქალაქე დააკავეს.
უწყების ცნობით, სამართალდამცველებმა ხელვაჩაურის მუნიციპალიტეტში ჩატარებული ოპერატიული ღონისძიებებისა და საგამოძიებო მოქმედებების შედეგად 2003 წელს დაბადებული ი.კ. და 2005 წელს დაბადებული ი.ვ. აიყვანეს.
პოლიციის მიერ დაკავებულთა პირადი ჩხრეკისა და დროებითი საცხოვრებელი სახლის შემოწმებისას ნივთმტკიცებად ამოღებულია 100 შეკვრად დაფასოებული ნახევარ კილოგრამამდე გამომშრალი ნარკოტიკული საშუალება „მარიხუანა“.
საქმეზე გამოძიება საქართველოს სისხლის სამართლის კოდექსის 260-ე მუხლის მე-2 და მე-3 ნაწილების „ა“ ქვეპუნქტით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.
