ახალგაზრდა ბათუმელმა მოჭადრაკემ, კესარია მგელაძემ, ჭადრაკში, მსოფლიოს ახალგაზრდულ ჩემპიონატზე ოქროს მედალი მოიპოვა. ახალგაზრდა სპორტსმენი, საჭადრაკო კომპოზიციების ამოხსნაში, 14 წლამდე კატეგორიაში, პირველ ადგილზე გავიდა. ქართველმა მოჭადრაკემ საუკეთესოს ტიტული როგორც გოგონათა ასევე ჭაბუკთა შორისაც მოიპოვა.
მსოფლიოს ახალგაზრდული ჩემპიონატი, საჭადრაკო კომპოზიციების ამოხსნაში, ბრაზილიის ქალაქ ფლორიანოპოლისში, 28 ოქტომბრიდან 10 ნოემბრის ჩათვლით მიმდინარეობდა. ტურნირი 14, 16 და 18 წლამდე მოჭადრაკეთა შორის გაიმართა. მასში მონაწილეობა 62 ქვეყნის 527 მოთამაშემ მიიღო.
ავტორი: დიმიტრი გორგილაძე
